monumenta.ch > Plinius > sectio 139

Word Selection for Searching

Report an Error in this Sectio
Plinius, Naturalis Historia, 27, 139
{CXII} nascitur ubique, praecipue campestribus. medentur ulceribus cum melle. - Thlaspi duorum generum est: angustis foliis, digitali latitudine et longitudine, in terram versis, in cacumine divisis, cauliculo semipedali non sine ramis, . . . peltarum specie semine incluso, lenticulae effigie, nisi quod infringitur, unde nomen. flos albicat. nascitur in semitis et saepibus. semen asperi gustus bilem et pituitam utrimque extrahit; modus sumendi acetabuli mensura. prodest et ischiadicis infusum. potione sanguinem trahit, menses quoque ciet, sed partus necat.